واعلم أن الله إذا رضي عنك صرفك عن الحرام، أما إذا أحبك صرف الحرام عنك فإنه تعالى يقول عن سيدنا يوسف لما عصمه من امرأة العزيز: (كَذَٰلِكَ لِنَصْرِفَ عَنْهُ السُّوءَ وَالْفَحْشَاءَ ۚ إِنَّهُ مِنْ عِبَادِنَا الْمُخْلَصِينَ ).
في الحقيقة كلنا عندنا ابتلاءات في حياتنا.. إللي مُبتلى في ماله.. وإللي ابتلائه في صحته.. أو فقد شخص عزيز وإللي مُبتلى بالوحدة.. وغيرها ابتلاءات كتير وبالذات في الأيام دي عشان كده أخدت خطوة الكتاب ده..
ببساطة أنا عندي يقين إن القرب من ربنا هيحل كل مشاكلنا.. مش بس كده لأن فعلاً أجمل حاجة في الدنيا إنك تحب ربنا؛ هتلاقي نفسك بتصلي وبتقرأ قرآن وعلاقتك بربنا كويسة.. هتحس بقلبك بيضحك ووشك منور وانك مستعد تقابله...
"وكفى بالله حبيبا" ده اسم الكتاب.. بإذن الله هنتناقش في كل صفحة منه عن موضوع يهمنا ويلمس روحنا ويشجعنا نقرب من ربنا أكتر ونناقشة من كل الجوانب..
إذا وجدتم فيه خيرًا فمِن الله وإن كان غير ذلك فمني ومن الشيطان.. نسأل الله العفو والتوفيق.